منتدي الشباب الواعي
اهلا بالزائر الكريم في احلي منتدي منتدي الشباب الواعي
من قول الله تعالي " وَتَعَاوَنُوا عَلَى الْبِرِّ وَالتَّقْوَى وَلا تَعَاوَنُوا عَلَى الإِثْمِ وَالْعُدْوَانِ "
رجاء من احبائنا الزوار التسجيل والعون علي الطاعة وتقديم الخير بما ينفع شبابنا واخواننا في هذا الزمن العصيب
وجزاكم الله خيرا
ادارة المنتدي

فرق بين الانتخابات المصرية والأمريكية هل تعرفهم؟

استعرض الموضوع السابق استعرض الموضوع التالي اذهب الى الأسفل

فرق بين الانتخابات المصرية والأمريكية هل تعرفهم؟

مُساهمة من طرف أسد الاسلام في الأربعاء أكتوبر 06, 2010 12:47 pm




من المؤكد إن مافيش فروق خالص بين انتخابات الرئاسة المصرية والأمريكية التي فاز فيها باراك (مبارك) أوباما إلا بعض الفروق البسيطة التي لا تذكر ولا نشعر بها والتي تدل على أن الانتخابات المصرية نزيهة بنسبة 99.99% بس.
أول الفروق: أننا لم نلاحظ في الانتخابات الأمريكية أي وجود لقوات الأمن (سواء أمن الدولة أو الأمن المركزي ولا حتى الأمن الغذائي) في الانتخابات الأمريكية ولكن في مصر تجدهم بنفس عدد من سيقوم بالانتخاب .. نظام رقابة يعني علشان ما فيش حد يزوغ ويروح هنا ولا هنا ولا يعلم في ورقة الانتخابات بطريقة خاطئة وفي الغالب بيكون دوره إرشاد الشخص الذي يريد الانتخاب إلى الاختيار الصحيح.. اللي هو طبعا اختيار سيادة الرئيس المبارك مبارك.
الفرق الثاني: أنه لايوجد في أمريكا حبر فسفوري ولكن في مصر بلد التقدم والحضارة يوجد الحبر الفسفوري الذي يستمر في اليد لمدة 24 دقيقة أصدي ساعة علشان ما فيش حد تسول له نفسه ويقوم بالدخول مرة أخرى بالانتخاب.. هتقولي ازاي ينتخب مرتين هقولك أصل اسمه متسجل يجي عشر مرات في السجلات
الفرق الثالث: ما عندهم وزير داخلية بيعلن نتيجة الانتخابات لكن احنا عندنا وزير داخلية قوي يقوم بإعلان نتيجة الانتخابات وطبعا بيعلنها بكل شفافية وكلنا عارفين إنه راجل شفاف جدا حتى إن أشعة الشمس بتخترق جسمه من كتر الشفافية.
الفرق الرابع: هناك في أمريكا بيتأكد فوز الرئيس بإعلان المرشح الخاسر بفوز الرئيس يعني الخاسر هو اللي بيعلن فوز الآخر وليس العكس لكن احنا عندنا حاجه أحسن طبعا الرئيس هو دايما الرئيس والنجاح مؤكد بنسبة 99.99% وده شيء طبيعي.
الفرق الخامس: الخاسر في الانتخابات الأمريكية مش هايتحكم عليه بـ 5 سنين سجن في قضية تزوير توكيلات لكن في مصر حاجه تانيه يا تفوز وتبقى الرئيس يا تخسر وتبقى سوابق.
الفرق السادس: لم نسمع عن حدوث تزوير في الانتخابات ولكن في مصر ممكن تشوفه عيني عينك
الفرق السابع: الانتخابات الأمريكية ماكانش فيها بلطجية وما سمعناش عن أي خناقة بين أنصار أوباما وأنصار ماكين في مصر حاجه تانيه خالص كل حاجه فل الفل والبلطجية لازم يسترزقوا وتطلع لهم سبوبة حلوه.
الفرق الثامن: في أمريكا الانتخابات كانت الصبح وبالليل النتيجة ظهرت لكن في مصر أبسلوتلي لازم تظهر بعد يومين تلاته علشان تطلع دقيقة.. ومش دقيقة بس لأ.. دي دقيقة جدا جدا.
الفرق التاسع: المرشحان الأمريكيان اتصلا ببعضهم بعد إعلان نتيجة الانتخابات عندنا حاجه تانيه خالص اللي ينجح يقبض على التاني.
الفرق العاشر: الموظفين في أمريكا كانوا بيذهبوا للانتخابات على رجليهم وبإرادتهم عندنا لأ هتنتخب يعني هتنتخب بمزاجك غصب عنك هتنتخب ولو عندك شغل هنجيبك من الشغل وبالأتوبيس كمان لحد باب اللجنة وتنتخب وترجع لشغلك تاني.
الفرق الحادي عشر: ما سمعناش على القنوات الأمريكية بعد نجاح أوباما أغنية أخترناك الأمريكية ولا أغنية أمريكا اليوم في عيد أما بقى هنا تلاقي كل مُترب من المُتربين عمل أغنية وصورها فيديو كليب في نفس اليوم وتفضل القنوات المحلية والفضائية تزيع فيها لمدة 6 سنين احتفالا بفوز سيادة الرئيس.
الفرق الثاني عشر: ماشفناش حد في أمريكا قال إنه راح اللجنة ولم يجد اسمه مدون في الكشوف عندك بقى في مصر يطلع عين اللي جابوك على ما تلاقي اللجنة بتاعتك وفي الآخر تلاقي اسمك فيه خطأ ويطلع عين أهلك على ما يوافقوا يخلوك تنتخب علشان الخطأ الصغنطوط اللي في حرف في إسم جدك.
الفرق الثالث عشر: في أمريكا مافيش حاجه اسمها بطاقة انتخابية في مصر في بطاقة انتخابية وبطاقة شخصية وبطاقة تموين وبطاقة صحية وبطاقة فقر وأهي كلها بترزق.
الفرق الرابع عشر: أمريكا شارك في الانتخابات 66% يعني أكثر من 117 مليون، في مصر حاجه تانيه 8% يشاركوا ويتم تعديلها إلى 80% عند إعلان النتيجة علشان المظهر العام وشكلنا أمام شعوب العالم ما يبقاش وحش.
أما بقى وجه الشبه بين الانتخابات المصرية والانتخابات الأمريكية الأخيرة هو شيء فقط إن اللي نجح في أمريكا باراك والتي تعني باللغة الكينية (مبارك) واللي فاز عندنا في مصر هو برضه مبارك اللي هو باللغة الكينية (باراك).




ا

أسد الاسلام
المدير العام
المدير العام

الجنسية :
عدد المساهمات : 291
النقاط : 1000004289
تاريخ التسجيل : 04/04/2010
العمر : 27
الموقع : منتدي الشباب الواعي

معاينة صفحة البيانات الشخصي للعضو http://shababwaei.a7larab.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى